到達岡山，住ｈｅｌｌｏ　ｋｉｔｔｙ溫泉酒店

１６／７／２００７
今日０５４５起身，０６１０乘的士去青衣機鐵站同ｍａｒｋ匯合，我地前一日買定平的機場快線車票，我地０６３５去到機場，機場晨咁早就好多人，我都未見過咁早就咁多人，個個都暑假就去旅行，人人都一家大細．去到，終於見到導遊真身，係一個４０幾，經驗老到，長有白髮的人．原來我地０個團有成１百多人，所以分了３團．

０７３０先齊人，出境查袋要排長龍，我第１次出境要咁排法．早餐就食ｂｕｒｇｅｒ　ｋｉｎｇ，好正．終於食到，ｍ記包包真係比不上．

我地上機的閘口在最底層，今次係包機團，坐細機，我諗最多住１８０人咁上下．上機好特別，要出閘後搭機場車再出去停機的範圍先上機，機仔細細，我第一次咁樣上機，落車想影相，但俾人阻止，算啦，好０野，有窗口位坐．起飛，好ｈｉｇｈ呀！

在飛機上都有ｄ擔心天氣唔好，當地時間１３００ 終於下機了．果然落緊雨，仲唔細． 

落機，果然比較鄉村，出境ｃｏｕｎｔｅｒ得４個，我同ｍａｒｋ最後先出，一出去就有驚喜，原來有岡山的人來跳舞歡迎我地，有人來拍攝，仲每人派了一小袋青提及巨蜂提俾我地食，ｍａｒｋ仲俾人訪問呢！（上左電視添）

由於我地落機的地點比較遠離市區，所以車程比較耐，第一站係去睇岡山的一條橋，有少少雨落，但都冇損我地０既心情，風景不俗，空氣清新，感覺涼爽，在這裡各人開始買手信，但收銀被我們嚇到了，因為人人都拿出大鈔票，佢冇錢找，好彩０個到有間餐廳，有得兌換．此時，我地就諗上車要逐一向各人ｓａｙ　ｓｏｒｒｙ了（這是導遊想出來懲罰遲到的人的），同時我地就認識了同團的一個區氏家庭，因為大家都遲．

之後又要再坐成２個幾鐘車先到酒店，我就中途我地有個休息站休息，在此，我地買了一串燒魷魚和飲品，ｍａｒｋ就開始佢０既試奶行動，佢肚皮放假，做ｂｂ，飲奶奶，見一盒，買一盒，ｋｏ一盒．燒魷魚好好味，好鮮，２５０ｙｅｎ，抵．

終於到了酒店，今晚住ｈｅｌｌｏ　ｋｉｔｔｙ房，份紀念品好正，有４條ｈｅｌｌｏ　ｋｉｔｔｙ毛巾，牙刷兩套，ｈｅｌｌｏ　ｋｉｔｔｙ　ｆａｍｉｌｙ小公仔一ｓｅｔ．一入到房就不禁”嘩”了出來，有多ｈｅｌｌｏ　ｋｉｔｔｙ，仲有一隻人咁大的ｋｉｔｔｙ，咩０野都係ｈｅｌｌｏ　ｋｉｔｔｙ，床舖，被單，電視，洗手間，時鐘，燈，風筒，水杯．．．．好彩有加錢轉房，如果唔係，一定會後悔．今晚ｄｉｎｎｅｒ係神奇紙火鍋，卓上１０幾碟野，都唔知食邊碟先好，最後一碟一碟咁ｋｏ哂佢地，不錯，很特色，很豐富．之後仲買左一條mango雪條食，好好味呀！

食完入房，發狂咁影相，咩都影一餐，我仲帶左我隻心愛熊貓去影相同陪訓，仲換埋特色浴衣再影，洗完白白又影，浸完溫泉再影，加左錢，咩都抵哂，終於累得很，晚上１１時多，要訓了．

今日用了２８４５ｙｅｎ咋