第二日，毛毛雨，但風景依然吸引

１７／７／２００７
一早０６１５就ｍｏｒｎｉｎｇ　ｃａｌｌ，我地都爭取時間，快快去食早餐，早餐有西式及日式以供選擇．

Ｍａｒｋ第一件事睇下有冇奶飲，發現了，味道不錯，日式蛋蛋最好味，食完之後就快快咁上去房到再影下相，０７４５買定一樽綠茶，０８００ＨＥＬＬＯ　ＫＩＴＴＹ房ＢＹＥＢＹＥ，我地又出發了．

今日再去睇橋，今日一連三條，三條都好特色．

第一站係第一條橋，要上山睇，搭好似香港咁０既山頂纜車上山先，不過仲斜過上香港的太平山，上到去站在指定位置，要個身體向下彎，倒轉睇，條橋就會好似掛左上天到咁，這地方叫”天橋立”，可惜我做完個動作後都睇唔到，仲被人偷影我．Ｍａｒｋ用相機影下風景，再倒轉俾我睇，就睇到了，等我仲睇得咁辛苦．

第二站去睇日本的鳥居，有３６個鳥居，每一個鳥居都係有人捐款起，之後就建立成一個鳥居公園，我地冇咩點睇佢地，反而去左另一邊睇鼓城，原來０個邊仲正，我地食左一個黑豆包，個靚仔架仔仲幫我地影相，又請我地飲茶，仲俾左ｈｏｎｅｙ我地夾落個黑豆包到食， 之後個靚嬸嬸又介紹我地食熱辣辣的燒米餅，香港食親０既都只係凍左的，而家又熱，又鮮，超正！

午餐係冷麵，一人３碟仔，仲有一個小小爐俾你燒熟幾片豬肉來吃，食完冷麵仲有ｄ熱湯俾你加落去ｄ冷麵汁到，變成湯來飲，很特別，之後我０地自費食左”夕張蜜瓜”軟雪糕同黑豆雪糕，味道很濃，一試難忘，超好味．

第三站，去睇一條同青馬大橋有得比的橋，此時我飲了一杯北海道牛奶咖啡．這條橋則邊有一個摩天輪，可惜驚唔夠時間，如果唔係，上去坐一定好正．在這休息站，我地發現了ｈｅｌｌｏ　ｋｉｔｔｙ爆谷機，ｈｅｌｌｏ　ｋｉｔｔｙ冇所不在，每一個地方都用ｈｅｌｌｏ　ｋｉｔｔｙ來出了地方精品．　

第四站，第３條橋，我地要行橋底，行的時候感到橋上有車經過，有少少震．因為橋底會有漩渦睇，一路行會有一格格的透明玻璃俾你向下望，都有少少驚，雖然唔係潮汐，所以冇咩大漩渦睇，但我都睇到有一個個少少的，好開心呀！睇完，我地食左熱辣辣的獅子狗魚卷，同綠茶軟雪糕，仲買了一個杯麵，準備今晚試食，正！

之後就要坐比較耐的車返另一間溫泉酒店，於車上導遊就介紹我地買手信，俾我地試食，又介紹我地食Ａ４雪花神戶牛，鮮鮑魚同長腳蟹，我同Ｍａｒｋ梗係食盡佢啦！訂訂訂！好期待呀！

晚餐係懷石料理，桌上有１５碟大大小小的菜，其一個係牛肉鍋，仲有一個煮緊的烏冬，不過日本人真係好鍾意將ｄ野整到溶哂，好似糊仔咁，我覺得唔好味，Ｍａｒｋ就咩都話好味，我忍唔住叫佢做”垃圾口”．之後我地發現酒店內有香港已冇得玩的”烏蠅機”，我地又買了一個杯麵同一盒超迷你益力多乳酸．仲買左好好味的即沖洋蔥湯．

今晚又浸溫泉，不過冇ＨＥＬＬＯ　ＫＩＴＴＹ房了，我地訓返正常房，房內有ｔａｔａｍｅ，可自由選擇．

宵夜：杯麵．

今日用左７８７３ｙｅｎ．