環球影城．Ｓｐｉｄｅｒｍａｎ．我地來喇

１９／７／２００７

住了兩晚溫泉酒店，昨晚冇了．昨晚團友見到我地的收穫，個個都話我地勁！

諗起昨日的ｓｈｏｐｐｉｎｇ，的確有點瘋了．

今日個早餐都唔錯，因為我肚仔唔舒服，落到去都冇咩點郁，ｍａｒｋ幫我揀我食０既０野，唔通昨晚食得太好，個肚仔受唔住？哈哈，我發現有烚蛋，仲靜雞雞拿了一隻走．

第一站去田崎珍珠，有個太太做ｍｏｄｅｌ做得好ｈｉｇｈ，我地都拍哂手掌．見到一條唔錯的珍珠手鍊，計落又唔貴，最後買左俾媽咪做手信．我諗住佢唔ｌｉｋｅ的話，我自己要都好．頭先做ｍｏｄｅｌ的太太竟然咩都冇買，仲以為佢個仔會大出血添，反而另一個行家團友同我一樣，買了一條俾媽咪做手信．我地仲見到汽水機有特別版百事ｚｅｒｏ，仲買埋．

第二站，環球影城，ｙｅａｈ，好興奮呀！今日好曬，終於要出動防曬了．個肚仔仲係唔妥，原來親戚提早到訪，攪到我ｄｏｗｎ　ｄｏｗｎ地，唔理，入左去玩先算．

一入到去，就見到大力水手同佢女友，即刻影相，ｙｅａｈ！之後就見到好多扭蛋機，我地冇扭，志不在此，影下相就算．

直去ｓｐｉｄｅｒｍａｎ，排左大半個鐘都值，３Ｄ加刺激，一流，去到一定要玩，我地仲買左張相留念．

之後睇左一陣巡遊，就去左玩朱羅紀公園，都幾好玩，會濕身架，Ｄ人仲著雨褸，我地就咩都唔理，坐後少少，冇咁濕．都幾好玩架．

跟住去睇真人ＳＨＯＷ，又係會濕身０既，Ｄ演員會失驚無神咁向你潑水，好激，我地又坐高Ｄ，咁就唔會有事．個真人ＳＨＯＷ好得，又爆破，又潑水，又飛艇，ＳＵＰＥＲ！

之後頂唔住，行左一陣後個人好唔舒服，出番去先，去食野順便解決肚仔的問題．

出面ＳＨＯＰＰＩＮＧ街好正！午餐～～～～拉麵，好好味！其他商店都好吸引，於是我地決定入番去影城，買完ＳＰＩＤＥＲＭＡＮ精品後再出去睇．

返入去了，ＳＰＩＤＥＲＭＡＮ精品，我地一件不留咁睇呀睇，ＭＡＲＫ都買左好多ＳＰＩＤＥＲＭＡＮ精品，我地又一大袋野了，再去ＨＥＬＬＯ　ＫＩＴＴＹ店，只此一家，唔買唔得！哈哈，點算，個喼唔知夠唔夠位．昨晚好勁咁將ｄ野擺哂落個喼到（除左ｂ仔袋），已好勁了．今晚唔知會點呢？

任務完成，出去行街，龍貓店，零食店，藥房，又有收穫，仲買到５００ｙｅｎ雨傘．由於今晚係自費，所以我地買了小食，係ｍｏｓ　ｂｕｒｇｅｒ同小丸子，正！

坐車返酒店，在中途站食ｄｉｎｎｅｒ，我冇食飯飯，我食串燒，仲正．ＭＡＲＫ叫左一個拉麵餐，都幾好食，我又買左一盒奶茶飲，都唔差．由於此站沒有杯麵賣，阿導遊唯有叫司機哥哥在油站的便利店停留，俾我地買，我地又買左日本版大罐可樂，１００ＹＥＮ，好抵！

返到酒店，我地０個間房同鄰房是打通的，但門鎖了，ＭＡＲＫ有Ｄ唔ＬＩＫＥ，加埋見到好多野要執，佢有Ｄ忟．唔緊要啦．等我喼神出馬．去導遊房拿長腳蟹和訂了的零食，好多呀！

返房，影相相，ＭＡＲＫ拆蟹，我執喼．Ｄ蟹腳好正！Ｄ肉好鮮甜，好正，我地仲買埋杯麵食，長腳蟹杯麵，好ＨＩＧＨ！

今晚我又發揮喼神本領，連Ｂ仔袋都放埋落喼，得番一袋環球ＨＡＮＤ　ＣＡＲＲＹ同一個大Ｂ袋，勁！我搶閘用左ＭＡＲＫ的Ｂ仔袋